Einblínir á heilbrigðan lífsstíl án öfga

Írisi Huld Guðmundsdóttur er ýmislegt til lista lagt en auk þess að vera menntaður íþróttafræðingur þá útskrifaðist hún sem heilsumarkþjálfi frá Institute of Integrative Nutrition og stjórnendamarkþjálfi frá Opna háskólanum í Reykjavík. Íris Huld hefur verið með annan fótinn í líkamsræktargeiranum síðastliðin 20 ár.

Það má segja að hún hafi tekið allan skalann, áður fyrr var megin áherslan lögð á átaksnámskeið, styrk, þol og tölur á vigt. Í dag leiðbeinir hún fólki hvernig það á að takast betur á við streitu og aukið álag með öndunaræfingum, léttum teygjum og æfingum.

Íris Huld er í fullu starfi innan veggja Primal Iceland og starfar þar ásamt eiginmanni sínum Einari Carli sem er einn af stofnendum fyrirtækisins. Þar leiðir hún námskeiðið Sigrum streituna, ásamt því að bjóða upp á einkatíma í anda námskeiðsins og markþjálfun. Markþjálfunin er undir nafninu Lífsmark – Hugur & heilsa en Lífsmark stofnaði hún árið 2015 með það að markmiði að leiðbeina fólki við að finna gott jafnvægi í lífinu, tileinka sér og viðhalda nýjum venjum og síðast en ekki síst ná settum markmiðum.

Markþjálfunin og hugmyndafræðin á bak við Sigrum streituna fara vel saman. Þeir sem þjálfunina sækja eiga það allir sameiginlegt að vilja gera breytingar á sínu lífi. Flestir vita jafnframt hverju þarf að breyta til þess að öðlast bætta andlega- og líkamlega líðan. Vandinn er oft sá að erfitt er að vita hvar á að byrja og margir mikla fyrir sér fyrstu skrefin og þar kemur  Íris inn í myndina, með hvatningu og gagnlegum tólum og tækjum þegar þörf er á.

Gefum Írisi orðið.

„Ég hef alltaf haft unun af því að hreyfa mig og lengi vel taldi ég mig lifa afar heilsusamlegu lífi. En það var ekki fyrr en ég komst í kynni við heilsumarkþjálfun að ég áttaði mig á því að svo var ekki raunin. Vissulega voru margar heilsusamlegar venjur í minni daglegu rútínu en það var ansi margt sem ég þurfti að horfast í augu við og endurhugsa.

„Ég hef alltaf haft unun af því að hreyfa mig og lengi vel taldi ég mig lifa afar heilsusamlegu lífi. En það var ekki fyrr en ég komst í kynni við heilsumarkþjálfun að ég áttaði mig á því að svo var ekki raunin. Vissulega voru margar heilsusamlegar venjur í minni daglegu rútínu en það var ansi margt sem ég þurfti að horfast í augu við og endurhugsa.

Það má segja að ég hafi verið út úr stressuð týpa sem hvíldist illa, tók vinnuna með heim á koddann, æfði einhæft og átti í óheilbrigðu sambandi við mat. Í rauninni var ég föst í vítahring streitu og ójafnvægis. Í dag þegar ég lít til baka þá sé ég þetta mynstur mjög skýrt og greinilega. Það var ekki fyrr en ég fór að takast á við streituvalda í mínu lífi sem ég fór að finna fyrir auknu heilbrigði og betri líðan.“

Forsenda þess að upplifa heilbrigða sál í hraustum líkama krefst þess að hugað sé að mörgum þáttum lífsins. Mikilvægt er að stuðla að jafnvægi á milli vinnu og einkalífs, huga að svefngæðum, streituvöldum, hreyfingu, næringu, andlegu hliðinni og síðast en ekki síst stuðla að jákvæðum samskiptum við sína nánustu. Allir þessir þættir haldast í hendur og krefjast stöðugrar vinnu og einbeitingar.

Við þurfum að huga vel að andlegri og líkamlegri líðan því heilsan er það dýrmætasta sem við eigum. Á hverjum degi höfum við val um hvernig við viljum haga okkar lífi. Veljum vel og höfum heilsu okkar og hamingju ávallt að leiðarljósi.“

Þessa daga finna lang flestir fyrir auknu álagi og eru margir hverjir leitandi leiða til þess að öðlast meiri ró og betri líðan.

Það sem Íris Huld ráðleggur fólki er að byrja hægt. „Við gleypum ekki fílinn í heilu lagi, við tökum einn bita í einu. Við þekkjum það flest að ætla okkur um of og missa svo tökin.“

Gott er að byrja á því að spyrja sig einfaldrar spurningar.

Hvaða skref get ég tekið strax í dag sem færir mig nær bættri líðan?

Skrefin þurfa alls ekki að vera stór til þess að þau hafi áhrif. Hins vegar skiptir miklu máli að stíga skrefin af staðfestu og koma nýjum venjum inn í daglega rútínu.

Mikilvægt er að þörfin fyrir breyttum og bættum lífsgæðum komi innan frá og að útkoman sé heillandi og eftirsóknarverð.

Það að taka lítil skref í einu og vinna litla sigra jafnt og þétt veitir manni sjálfstraust til þess að halda vegferðinni áfram.

Nokkur ráð til að draga úr streitu:

• Búðu til tíma fyrir daglegar öndunar- og hugleiðsluæfingar
• Gefðu þér tíma á hverjum degi í ró og næði
• Hreyfðu þig daglega og nærðu líkamann vel
• Fáðu orku úr náttúrunni
• Skapaðu góða morgunrútínu
• Hlustaðu á líkamann og hvíldu þig þegar þörf er á
• Dragðu úr skjánotkun og taktu allar tilkynningar á pósthólfum og smáforritum
• Róaðu taugakerfið með því að draga úr koffíni, sykri og áfengi
• Skráðu niður verkefnalista dagsins og hafðu hann viðráðanlegan
• Settu mörk og settu þig í fyrsta sætið

Sigrum streituna er 4 vikna námskeið sem hefur verið haldið við afar góðan orðstír síðustu misseri og þar eru að finna mörg góð verkfæri í baráttunni við streituna.

Markmið námskeiðsins er að auka meðvitund þátttakenda á áhrifum streitu á andlega og líkamlega heilsu. Auka skilning á því hvernig taugakerfið virkar og hvernig við getum með árangursríkum æfingum og ástundun stjórnað streituástandi líkamans, bætt svefngæði, líðan og endurheimt.

Á námskeiðinu læra þátttakendur m.a. öndun og æfingar sem:

• draga úr streitu og kvíða
• bæta líðan í stoðkerfi
• bæta svefngæði
• auka andlegt jafnvægi
• draga úr vöðvaspennu
• efla ónæmiskerfið